काठमाडौं,जेठ २ । मधेसी दलसहितको संघीय गठबन्धनले आज सिंहदरबार घेराउ गरिरहेको छ । गठवन्धनमा आवद्ध दलहरुले सिंहदरबार आउने विभिन्न नाकाहरुमा जम्मा भएर अवरोध गरिरहेका छन् । घेराउका कारण काठमाडौंको ट्राफिक व्यवस्था अस्तव्यस्त भएको छ ।
सिंहदरबार आसपासका क्षेत्रमा गाडी चलाउन रोक लगाइएको छ भने चक्रपथ हुँदै भित्री बाटो माइतीघर, त्रिपुरेश्वर थापाथली, कालिमाटी कलंकी चल्ने गाडीलाई चक्रपथकै रुटमा डाइभर्सन गरिएको महानगरीय ट्राफिक प्रहरी महाशाखाले जनाएको छ ।
गठबन्धनका कार्यकर्ताले बिहान एउटा सरकारी जीपमा तोडफोड गरेका छन् । बा १ झ ३६१० नम्बरको सरकारी जीप तोडफोड भएको हो । माइती घर मण्डला क्षेत्रमा निषेधित क्षेत्र तोड्न खोज्दा प्रहरीले लाठीचार्च गरेको छ । त्यसक्रममा केही प्रदर्शनकारी घाइते भएका छन् । संविधानप्रति असन्तुष्टि जनाउँदै आएको गठबन्धनले यसअघि ६ महिनासम्म तराईमा आन्दोलन गर्दा पनि माग पूरा नभएको भन्दै काठमाडौं केन्द्रित आन्दोलन थालेको हो ।
तस्विर: आङकाजी शेर्पाको फेसबुकवाट
0 comments:
Post a Comment