भूकम्प प्रभावितलाई सामूहिक आवास भवन बनाउने सरकारी योजना अलपत्र

काठमाडौं,फागुन १७ । भूकम्प प्रभावित उच्च पहाडी र हिमाली क्षेत्रका बासिन्दालाई सामूहिक आवास भवन बनाउने सरकारी योजना अलपत्र परेको छ। भवन निर्माणका लागि बजेट उपलब्ध गराउन सरकार उदासिन देखिँदा टेन्डर प्रक्रियामा गइसकेको काम रोकिन पुगेको हो। सहरी विकास तथा भवन निर्माण विभागले पहिलो चरणमा प्रभावित जिल्लामा १० वटा सामूहिक आवास निर्माणका लागि बोलपत्र आह्वान गरेको थियो।

भवन निर्माणका लागि आवश्यक बजेट र प्रक्रियाका विषयमा मन्त्रालयबाट स्वीकृति नपाउँदा विभागले उक्त टेन्डर रद्द गरेको छ। मंसिर १० गतेको मन्त्रिपरिषद बैठकले सार्वजनिक खरिद ऐनको दफा ६६ र नियमावलीको नियम १४५ ले विशेष्गा परिस्थितिमा छुट्टै प्रक्रिया अबलम्बन गरी निर्माण कार्य गर्न सक्ने व्यवस्थाअनुसार आवास निर्माण अघि बढाउन स्वीकृति दिएको थियो। नागरिक दैनिकमा समाचार छ।