सिरहा,फागुन ११ । सम्मानित जिल्ला अदालत सिरहाबाट कैद तथा जरिवाना सजाय भई फरार रहेका एक अभियुक्तलाई आज बिहान प्रहरीले पक्राउ गरेको छ । जिल्ला सिरहा असनपुर गाविस वडा नम्बर ३ बस्ने ५३ बर्षिय रामदयाल महतोलाई इलाका प्रहरी कार्यालय गोलबजारबाट खटी गएको प्रहरी टोलिले आफ्नै घरमा लुकेर बसिरहेको अवस्थामा बिहान ६:०० बजे पक्राउ गरेको हो।
पक्राउ परेका महतो उपर अदालतको मिति २०४५ साल चैत्र १ गतेको फैसलाले लागु औषध चरेश मुद्दामा चार महिना कैद सजाय भई फरार रहेका थिए। पक्राउ परेका महतोलाई आजै सम्मानित जिल्ला अदालत सिरहामा बुझाईएको इलाका प्रहरी कार्यालय गोलबजारका प्रमुख प्रहरी निरिक्षक संतोष निरौलाले जानकारी दिनुभएको छ।
0 comments:
Post a Comment